70% lækkun á Kjúklingum ? Í hvaða landi ? Ert þú heima á íslandi?

Flott fyrirsögn, en gleymdir að segja okkur frá því hvernig að hægt væri að framleiða kjúklinga 70% lægra við þessi umskifti.

Mér þætti gaman að vita hvernig þú getur sett upp þennan útreikning fyrir okkur , þennan venjulega mann sem fer út í búð að versla.

Eða þennan venjulega framleiðanda Kjúklingana hérna heima á Íslandi.

Mér sýnist að annað hvort verði aðflutningsgjöld hafi lækkað svo ofboðslega á Fóðrinu eða að tollur og vörugjöld hafi hreinlega horfið, en ég held að það séu engir tollar eða vörugjöld á fóðri í dag hvort sem er , þannig að ég er ekki alveg að skilja þessa niðurstöðu.

Nema að það sé niðurgreiðslur einhversstaðar frá bæði frá ESB og Íslenska ríkinu?????

Því vænti ég svars frá greinarhöfundi um þessa Fyrirsögn sína  og skýri nákvæmlega út þessa niðurstöður sínar. 

Því að ég er viss um það að bæði framleiðandi kjúklinganna og neytendurnir myndu vilja vita nákvæmlega hvað greinarhöfundur hefur sér til rökstuðnings í þessu sérstaka tilfelli.

Vænti svars frá Greinarhöfundi.

 

Kjúklingar myndu lækka um 70%

Athugasemdir

[Hilmar H (IP-tala skráð) 16.7.2009 kl. 04:11]

Ætli Bretar viti af þessum stórkostlega díl sem við Íslendingar getum fengið hjá ESB?

Síðast þegar ég vissi (fyrir nokkrum vikum) þá kostaði kg af frosnum kjúklingabringum 5-6 pund í Bretlandi. Það gerir 1050-1260 krónur á kíló. Og þar sem Bretar greiða ekki vsk af matvælum, yrði verðið 1120-1350 kr kílóið. 

Skv mínum reikningsskilningi þá er þetta 10-25% ódýrara en sambærileg vara á Íslandi. Og verðmunurinn er enn minni af heilum frosnum kjúklingi, og hann jafnvel dýrari en hér.  Algengt v erð á heilum frosnum kjúklingi er í kringum 2.5 pund pr kíló, eða 550 kr. m/íslenskum vsk.

Og reikni nú hver sem betur getur. Ætli við getum boðið upp á kjúklingabringur  á 450 krónur kílóið á meðan Bretar selja þær á 1100 kall?

Hver á að trúa þessu skýrslubulli?

[Vilhjálmur Örn Vilhjálmsson, 16.7.2009 kl. 06:47]

Í Danaveldi er meðalkílóverð á kjúklingabringum, (ófrosnum), 70-80 DKK. Frosnar eru auðvitað ódýrari.

Þetta verðþróunarmat í skýrslunni er vitleysa.

En við getum heldur ekki haldið áfram kjúklingaframleiðslu, ef við göngum í ESB. Menn í kjúklingarækt missa atvinnu og viðurværi sitt, og við þurfum að flytja inn kjúklinga frá ESB. EN ÞAÐ VERÐUR EKKI Á 70 % lægra verði.

Þess vegna er ómögulegt að vera að ræða um ESB.

[Margrét (IP-tala skráð) 16.7.2009 kl. 09:13]

Menn verða að átta sig á því að kjúklinga- og svínakjötsframleiðsla er ekki landbúnaður í eiginlegum skilningi frekar en kexframleiðsla. Þetta er verksmiðjuframleiðsla þar sem framleiðslan fer að mestu leyti fram á höfuðborgarsvæðinu. Þar fór sveitarómantíkin út um gluggann. Það er algjörlega fráleitt að vernda þessa framleiðslu með innflutningshömlum. Maður veltir því fyrir sér fyrir hverja þingmenn eru að vinna og hvaða mafíustarfsemi er í gangi í landbúnaðarráðuneytinu. Það er verið að vernda örfáa framleiðendur þessara landbúnaðarafurða á kostnað heildarinnar. Svo þurfum við að hætta þessum barnaskap að tala um að allt sé best á Íslandi.

[Gams (IP-tala skráð) 16.7.2009 kl. 09:29]

Ég vil frekar borga að eins meira fyrir kjúklinginn og geta verið nokkuð viss um að hann sé ekki fullur af salmonellu, hef allavega heyrt að kjúklingar í DK séu stútfullir af þessum skít.

[anna (IP-tala skráð) 16.7.2009 kl. 09:55]

Halló???? Kjötið í þýskalandi er DÝRARA en hér!!!

Ég hafði enga list á kjöti þegar ég bjó þar.

Svínapestarviðvörun í svínakjöti (1999) aftur og aftur Salmonella í kjúklingum!

Beljuæði í nautakjöti árum saman!!!

Grænmetið allt með sama ógeðslega sápubragðinu   Fiskurinn slímugur. ojbarasta

Ég lifði á pasta og heimabökuðu brauði og rándíru bíóbúðar grænmeti

Látið ekki ljúga ykkur full af þessum ruglfréttum! Hér er hreinasti og besti matur í heimi, hvað sem hver segir!!!!

ESB er EKKERT að gera fyrir fólkið eða litlu fyrirtækin. Enda flúði ég hingað heim um leið og ég gat því hér er gott að vera. 

[gestur (IP-tala skráð) 16.7.2009 kl. 10:26]

Ég hef aldrei skilið þá staðhæfingu að halda því fram að kjúklinga- og svínakjötsframleiðsla sé ekki landbúnaður. Flokkast þá kjúklinga- og svínakjöt þá ekki undir landbúnaðarvöru heldur þurrvöru eða léttmálma?? Í öllum ríkjum Evrópusambandsins eru þessar búgreinar skilgreindar sem landbúnaður og er oft undirstaðan í matvælaframleiðslu þeirra. Svo er talað um verksmiðjuframleiðslu og horfna sveitarómantík af fólki sem aldrei hefur upplifað hana nema í gegnum sjónvarpsskjá eftir fréttir þ.e. veit lítið og jafnvel ekkert um sveitastörf. Hvaða endemis þvæla og fáfræði er þetta?? Það eru kjúklinga og svínabú um allt land með tilheyrandi kornrækt, heyskap og síðast en ekki síst bústörf sem tilheyra landbúnaði. Vissulega eru til stór bú með mikla framleiðslu en það er þróunin til að auka hagkvæmni og lækka vöruverð í landbúnaði sem og í öllum öðrum greinum vítt og breitt um heiminn. Íslensk svínarækt  t.a.m. hefur verið hérna frá landnámi sem og hænur þannig að þetta tilheyrir nú bara íslenskri menningu og landbúnaði hvort sem fólki líkar það betur eða verr. Íslensk kjúklinga- og svínakjötsframleiðsla eru til fyrirmyndar samanborið við framleiðslu annarra landa á öllum sviðum og tryggja hér matvæla og fæðuöryggi sem okkur er mikilvægt. Ekki má svo gleyma hversu mörg störf eru í húfi þau skipta hundruðum um land allt. Svona talar bara fávís krati sem verður að hætta þessum barnaskap að tala um að allt sé best í ESB.

Er sammála Vilhjálmi með verðþróunarmatið í skýrslunni. Verðmunurinn er lítill í dag og ekkert sem segir að þetta muni lækka við inngöngu í ESB. Hins vegar mun margt hækka við inngöngu en það er nú lítið talað um það enda hentar það ekki að tala um hlutina eins og þeir eru í raun og veru í dag.

[M (IP-tala skráð) 16.7.2009 kl. 11:25]

Íslenskar landbúnaðarvörur eru fínar og eflaust rétt að framleiðsla þeirra sé til fyrirmyndar. Þá spyr maður; ef svo er, við hvað eru þessir kjötframleiðendur þá hræddir? Markaðssetjið þær þá sem íslenska gæðaframleiðslu og leyfið neytendum að velja. Þetta með kúariðu og salmonellu er bara hræðsluáróður. Það er virkt eftirlit með innflutningi á þessum vörum og því ekki aukin hætta á að borða danskt svínakjöt. Þetta er sama vælið og heyrðist í grænmetisbændum þegar innflutningsverndin var afnumin þar. Fór íslensk grænmetisframleiðsla á hliðina?

[D (IP-tala skráð) 16.7.2009 kl. 13:36]

Fyrir nokkuð mörgum árum var í á skipi sem silgdi til Þýskalands. Á þeim tíma kostaði kg af kjúkling 80kr en var þá hér um 550 kr. það er nú þokkalegur munur og hefur liklega ekki minnkað.. Núna sé maður í kjötborðum lambakjöt á um 4000kr. kg.  og almennt verð í dag á kótilettum er 2-3000 kg.

Þetta er innlend vara!  af hverju í ansk kostar þá kg upp undir 4000kr.

Þá kemur það að Þeir segja að íslensk kjöt sé luxus vara...  en ég hef  ekki efni á að borða luxus vörur.
Þeir geta selt þennan luxus út úr landi og fengið gjaldeyri fyrst þetta er svona frábært kjöt en ég vill fá kjöt á viðráðanlegu verði til að lifa, það þarf ekki að vera luxuskjöt.

það á s.s. að vera val hvers og eins hvort hann vill kaupa rándýrt íslenskt kjöt eða ódýrara erlent kjöt.

ESB bíður okkur upp á það val. 

Og svo annanð hvað með það þó að kjúklinga ræktun fari á hausinn hér þetta eru 1-2 einstaklingar sem framleiða allan kjúklingin og lifa eins og greifa...

[D. (IP-tala skráð) 17.7.2009 kl. 02:04]

Það að bera saman verð á t.d. kjúkling á Íslandi í dag eftir hrun og í Danmörku er náttúrulega rugl.  Hér er mjög óeðlilegt ástand og danska krónan farið úr 10 kalli í rúmlega 20 krónur á nokkrum mánuðum.  Þetta er ekki varanlegt ástand amk ekki með aðild að ESB því væri nær að reikna dæmið út frá því sem taldist eðlilegt þ.e. ef kg af kjúlla kostar 70-80 DKR þá væri nær að hald að þetta myndi kosta um 1000 ISK því forsendur breytast með upptöku evru.

 Hvað varðar þennan þvætting að halda  því fram að við munum öll farast úr salmonnellu og gin- og klaufaveiki með því a flytja inn samkeppnishæft kjöt er náttúrulega ótrúlegt!!  Væri þá ekki hálf álfan dauð úr þessu nú þegar??  Eða að halda því fram að hér verði einhver matarskortur og að fæðuöryggi þjóðarinnar sé í hættu...ER EKKI Í LAGI HJÁ FÓLKI?!?!?  Hvers konar bévítans froðusnakk er þetta???

Ef kjúklingabændur eða bændur almennt geta ekki rekið búin sín þegar þau loksins fá samkeppni so be it.  Af hverju eigum við að borga milljarða á milljarða ofan í styrki undir rassgatið á þeim og enda með því að kaupa svo einokunarafurðirnar á uppsprengdu verði?!?! Allir sem hafa farið til útlanda ættu að kannast við það að borða erlent grænmeti.  Það er safaríkt og tómatarnir eru meiri að segja rauðir á litinn...ólíkt þessu rusli sem okkur er boðið upp á hér á okurverði!! Fari svo að þeir enda á hausnum þá sé ég ekki eftir þeim enda stétt sem hefur mergsogið samfélagið undir verndarvæng Framsóknarflokksins.....farið hefur fé betra!